Ахова зроку - натуральныя фільтры ў гародніне

Ахову вачэй ад сонца могуць узмацніць некаторыя пажыўныя складнікі. Да іх належаць антыаксіданты, якія нейтралізуюць вольныя радыкалы. Найважнейшыя з іх – гэта вітаміны E, A, C, бета-каратын (правітамін A). Іх уздзеянне ўзмацняюць мінералы: цынк, марганец і селен, а таксама антацыяны – чырвоныя і сінія фарбавальнікі гародніны і садавіны (найбольш іх у чарніцах і ажынах). Дадатковую ахову зроку даюць фарбавальнікі сятчаткі і жоўтай плямы: зэаксантын і лютэін. Яны таксама антыаксіданты, але дадаткова выконваюць ролю супрацьсонечных фільтраў, якія паглынаюць ультрафіялетавыя промні. Арганізм не ўтварае зэаксантыну і лютэіну, але яны ўтрымліваюцца ў ежы. На гэтыя рэчывы асабліва багатая гародніна: морква, шпінак, брокалі, кукуруза, лісцевая капуста, зялёная пятрушка, зялёная салата і гарошак.