На галоўную > ХАРЧАВАННЕ > Кухні свету > Амерыканская кухня >

Гародніна дня

Гадаваны грыб з белым капялюшыкам і белай ножкай. Гадуецца найчасцей у паўночнай Еўропіe і англамоўных краінах.

Прадукт дня

Чырвоная фасоля 425 мл. Чырвоная фасоля у натуральнай заліве. Пажыўны і каларыйны прадукт, багаты на вугляводы, бялкі і клятчатку. Аснова для супоў і салат.

болей

Гароднінныя пацешкі

Трыкалор

Спаржа бывае трох колераў.

болей

Амерыканская кухня

Мяшанка культур, рас і рэлігій з усіх старон свету дасканала складваецца ў разнастайную амерыканскую кухню.

Кухня многіх народаў

Разнароднасць амерыканскай кухні паўстала дзякуючы тубыльскім і афрыканскім ўплывам, а таксама дзякуючы эмігрантам з Еўропы і Азіі.

У паасобных рэгіёнах адбітак на фармаванні кулінарнай культуры зрабілі звычаі карэнных народаў. Вялізныя памеры краіны дадаткова ўплываюць на разнастайнасьць амерыканскай кухні.

Фаст фуд або хуткая кухня

Безумоўна, першыя асацыяцыі з паняткам “амерыканская кухня” – гэта “хуткая ежа” або fast food, рэч, далёкая ад складаных кулінарных звычаяў. З гэтай прычыны прыгадваюцца найбольш папулярныя амерыканскія стравы: хот-дог, гамбургер або смажаныя крылцы (buffalo wings).

Гэтыя стравы папулярныя па ўсім свеце і даступныя амаль у кожнай краіне. Амерыканская кухня асацыюецца з кухняй хуткай, досыць каларыйнай і не заўжды здаровай, а стыль амерыканскага спажывання і падачы ежы ўспрымаецца як хуткі, не асабліва карысны прыём ежы па-за домам, падчас перапынку ў працы.

Гародніна на стол

З іншага боку, традыцыйныя супы, выпечка, салаты з гародніны і садавіны займаюць сталае месца ў амерыканскай культуры. Немагчыма абмінуць такой важнай гародніны, як кукуруза альбо гарбуз. Кукуруза ў розных відах з’яўляецца неад’емным складнікам многіх страваў або нават самастойнай стравай. Гатаваныя кіяхі з маслам і соллю, папулярны папкорн (пражанае зерне кукурузы), альбо корн-дог – сасіска ў кукурузным цесце, смажаная ў алеі, вядомыя па ўсім свеце.

Асаблівай гароднінай з’яўляецца і гарбуз, які найчасцей асацыююць са святам Халаўін, амерыканскім адпаведнікам Дзядоў, які святкуецца 31 кастрычніка. Амерыка ў гэтую пару змяняе ўсе свае колеры на аранжавы і немагчыма знайсці месца, дзе не выстаўляліся б найлепшыя асобнікі гарбузовых галоваў з выразанай мякаццю, якія ўжываюцца як ліхтары. Самыя вядомыя стравы – гарбузны суп або гарбузны пірог.

Амерыканская традыцыя

Глыбокія карані ў амерыканскай культуры маюць такія стравы, як фаршаваны індык, салодкая бульба або журавінавы соўс, якія падаюцца на Свята Падзякі (Thanksgiving Day).

Уся сям’я сядае пры супольным застоллі. Гэтае свята звязанае з традыцыйнай малітваю падзякі падчас збору ўраджаю. Нагодай для таварыскіх імпрэзаў – абавязковага элементу жыцця амерыканцаў - з’яўляецца, безумоўна, барбэкю на свежым паветры або садовыя прыёмы - Garden Party. Смажыць на грылі можна ўсё – ад розных відаў мяса да гародніны і садавіны. Амерыканскі грыль – гэта найперш крылцы і рэбрайкі, якія падаюць з разнастайнымі соўсамі.

Вельмі папулярныя і салаты. Самая вядомая – салатка Цэзар з рымскай салатай і соўсам вінегрэт, салатка шэфа (Chef’s salad), з гароднінай і крутым яйкам, салатка Коўлслоу (Coleslaw) з пераважным складам з капусты і морквы, і салатка Ўолдорф-Асторія (Waldorf) з зяленівам сельдэрэю, яблыкам і арэхамі. Таму ўсё ж варта паклапаціцца пра ўвядзенне цікавых, здаровых і пажыўных страваў, памятаючы, што ежа – гэта таксама мастацтва, вартае часу і высілкаў.