Арабская кухня
Мусульманства – гэта не толькі рэлігія, за сотні гадоў мусульманская культура стварыла адну з найлепшых кухняў свету.
Арабская кухня ўвабрала ў сябе элементы Міжземнаморскай і афрыканскай кухняў. Асноўныя тэрміны гэтай кухні – кускус, бараніна, нут, баклажан, масліны, фінікі, араматычныя воды (апельсінавая і ружовая), драўняны вугаль і мятная гарбата.
За арабскія сталом
Арабскія абеды – гэта найперш нагода для сямейных і сяброўскіх спатканняў. Бяседнікі традыцыйна сядзяць на падушках або нізкіх лавах вакол круглага стала. Ядуць моўчкі, смакуючы кожны кавалак. Пасля ежы настае пара на гарбату і гутарку. Запарванне і падаванне – гэта своеасаблівы рытуал. Гаспадар, металічны імбрычак, медны падносік, маленькія шкляначкі з залатымі абводкамі? Ужо хочацца піць!
Стравы з агня
У мараканскіх дамах традыцыйна гатуюць жанчыны. Мужчыны займаюцца гатаваннем на вогнішчы, такім, як смажаны баран ці шашлыкі. Адной з мужчынскіх страваў з’яўляецца традыцыйнае пячыста, якое гатуюць у посудзе кшталту збанка. Туды кідаюць кавалкі бараніны, гародніну, прыправы і на некалькі гадзін ставяць у прысак (тлеючы попел). Некалі гэтую ежу мусіў гатаваць той, хто прайграў партыю ў карты.
Этыкет па-арабскуДля праўшуноў? На рабскіх застоллях галоўныя стравы, такія як тажын або кускус, стаяць пасярод стала. Дапамагаючы сабе кавалкамі хлеба, кожны набірае сабе рукою пажаданую порцыю і трыма пальцамі фармуе з яе паўшар’е. Гэта патрабуе спрыту. Для ежы ўжываюць толькі правую руку, бо ў ісламе левая рука лічыцца нячыстай (служыць для абмывання).
Прамиле чаю o крыві
Для мараканца кожная нагода добрая, каб папіць гарбаты – ёю запіваюць ежу, таварыскія бяседы, дзелавыя сустрэчы. Традыцыйная гарбата складаецца з лісця зялёнага чаю, мяты і вялікай колькасці цукру.
Арак Арак – нацыянальны ліванскі алкаголь. Гэта вінаградная гарэлка з анісавым смакам. Найлепей арак смакуе, разбаўлены вадой у прапорцыях 2:1. пасуюць да арака мезы – невялікія, шматкаляровыя прыкускі. Нялішняя будзе і кампанія.
Жыццё за відэлец
Да закусак падаюць хлеб, які завецца хобз або айш, што даслоўна азначае “жыццё”. Яго часта ўжываюць замест прыбораў, каб набіраць соўс і кавалачкі мяса. Цікавы від хлеба – айш бі заатар, то бок хлеб з тым’янам і іншымі травамі.
Мезы, альбо закускі Традыцыйная блізкаўсходняя бяседа пачынаецца з мезы, або набору гарачых і халодных закусак. Часам з іх можна скампанаваць някепскі абед. Да папулярных закусак належаць: баба ганудж,
хумус, фатаер або табула.
Міні-слоўнік арабскай кухніФалафель (фелафель) – яго гатуюць з молатай сачавіцы
Шварма (shvarma) – арабскі адпаведнік грэцкага
гірасу або
турэцкага кебаба Фул – вязкае бабовае пюрэ, звычайна накладаецца чарпаком
Бляшанка на вярблюдзе?Арабская кухня – гэта адпачатку кухня намадаў-качэўнікаў. Складнікі для гатавання мусілі быць лёгкія для пераноскі, напрыклад, рыс, фінікі. Вандроўны караван разнастаіў сваё меню прадуктамі, набытымі па дарозе, напрыклад, гароднінай. На жаль, у тыя часы не ведалі такога цуду, як бляшанка кансерваў.
Шчасьлівая сямёрка Лічбу сем лічаць шчаслівай, што відаць і па кухні. Адна з традыцыйных страваў – кускус з сямю відамі гародні (напрыклад, цукіні, нут, востры перац, морква, памідоры, цыбуля і гарбуз).
