Азіяцкія кухні

Падарожжа па азіяцкіх кухнях можа быць галавакружным. Азіяцкая кухня заснаваная на звычаях, якія існуюць у кожнай краіне, на разнастайнасці складнікаў, нязвыклых спалучэннях, смачных і ашаламляльных водарах.

Вялікае значэнне тут маюць традыцыі розных рэлігій Азіі, паводле якіх ежа існуе не толькі для цела, але і для душы. Смакавітасць гэтай кухні вынікае і з таго факту, што яна паходзіць са сталоў вялікіх дынастый.

 

Каралеўства рысу Адной з найбольш папулярных азіяцкіх кухняў з’яўляецца кітайская, а дакладней - кантонская. У кітайскай кухні дамінуе рыс, гародніна і соя. Мяса і рыбы у ёй не так шмат, як у іншых кухнях.

Ядуць усё, апрача самалётаў У склад кітайскай  кухні ўваходзяць рэгіянальныя кухні. Сусветныя рэстарацыі, якія падаюць кітайскую кухню, прапануюць найперш стравы з кантонскай кухні. Гэта вынікае з таго, што кантонцы ахвотна ствараюць рэстараны ва ўсіх кропках планеты. Дзякуючы гэтаму кожны можа праверыць на сабе значэнне славутай прымаўкі пра разнастайнасць гэтай кухні: „кантонцы ядуць усё, што мае дзве нагі, апрача людзей; усё, што мае чатыры нагі, апрача сталоў; і ўсё што мае два крылы, апрача самалётаў”.

 

Японія ў  скрыначцы Характэрнай стравай для Японіі з’яўляецца бента (bento). Пад гэтай назвай хаваецца простакутная скрыначка, у невялікіх перагародках якой старанна ўкладзеныя халодныя закускі. Гэта могуць быць сушы, рыс, печаная рыба, гародніна пад соўсам, кавалак садавіны. Бента падаюць на пікніках падчас вандроўкі, яно выконвае і ролю фаст-фуду. Традыцыйна жонка рыхтуе мужу бента на працу.