Дыета для офісных работнікаў

Ваша меню на 5 дзён – ешце тое, што любіце.

Першы сняданак

Выпіце ячменную каву або гарбату, лепш з абястлушчаным малаком і без цукру. Ідэальна было б выпіць шклянку абястлушчанага малака, кефіру або ёгурта.

Меню на выбар
2 лусты хрумсткай выпечкі, тонка нашмараванай алеем,

2 кавалачкі вяндліны, трохі радыскі;

1 луста жытняга хлеба, нашмараванага алеем, 100 г абястлушчанага тварагу з зялёнай цыбуляй і агурком;

1 крутое або ўзьмятку яйка, луста хлеба з алеем, памідор;

2 лусты хрумсткай выпечкі з алеем, 2 тонкіх кавалачкі сыру, некалькі радысак;

1 луста хлеба грубага памолу, нашмараванага алеем, тварагом або чайнай лыжкай джэма.

Што ўзяць з сабою на працу на полудзень?

1 яблык; 1 грушу; 1 маленькі банан; 2 морквы.

Ланч
Гароднінная салата: парэжце агурок, невялікую цыбуліну, балгарскі перац, некалькі штук радыскі, 150 г абястлушчанага сыра «Фета», дадайце соль і перац, змяшайце.

Рыбная салата: 150 г тунца ў алеі, 1 крутое нарэзанае яйка, памідор і цыбуля, дадайце прыправы і змяшайце.

Салата з тварагу: 200 г абястлушчанага тварагу змяшайце з парэзанай радыскай, зялёнай цыбуляй, 4 лыжкамі ёгурта, дадайце прыправы.

Салата з курыцы: парэжце і змяшайце 100 г смажанага філе курыцы, кавалачкі ананаса,нарэзаны яблык, 3 лыжкі кансерваванай кукурузы і 2 шт. чарнасліву

Вячэра – старайцеся з’есці яе дома.

Рыс з гароднінай: 100 г варанага рысу змяшай з 250 г тушанай на алеі гародніны і шампіньёнаў.

Рыба з гароднінай: патушыце на алеі 2 цёртых морквы, парэзаную цыбулю, памідор, дадайце 150 г рыбы, патушыце, дадайце прыправы.

Фрыкадэлькі з шампіньёнамі: 100 г курынага фаршу змяшайце з 100 г тушанай цыбулі з шампіньёнамі, зелянінай пятрушкі, прыправамі. Зрабіце фрыкадэлькі, зварыце на пары, ешце з гарнірам - лыжкай рысу.
Макароны з соўсам: да 100 г вараных макарон дадайце соўс з 2 лыжак таматнай пасты, тушанай з цыбуляй і зубчыкам часныку.