Дыета зімовая

 

• самае важнае – колькі раз у дзень мы ямо. Варта есць мінімум чатыры разы на дзень. Прыём ежы кожныя 3 гадзіны дазваляе нашаму арганізму падтрымліваць патрэбную тэмпературу

• салідны сняданак засцеражэ нас ад прастуд. У першай палове дня тлушчы спальваюцца хутчэй і арганізм хутчэй засвойвае карысныя рэчывы

• гародніну і садавіну – памідоры, салодкі перац, брокалі і брусельская капуста, салата, лісце сельдэрэю, апельсіны, грэйпфруты, лімоны, ківі, якія ўтрымліваюць вітаміны A, C і E (гэтыя вітаміны дапамагаюць выкарыстаць энергію, якую мы атрымліваем з ежай, стымулююць імунную сістэму) варта дадаваць да кожнай стравы

• малочныя прадукты, птушка, рыба, ялавічына, фасоль, збожжа, парасткі, арэхі з'яўляюцца крыніцамі вітамінаў групы B і вельмі важныя для падвышэння імунітэту і пазбяганні дэпрэсіі

• мяса, стручковыя, сачавіца і розныя кашы насычаюць арганізм неабходнай колькасцю жалеза, а значыць, прадухіляюць небяспеку развіцця анеміі і паніжэння імунітэту

• хлеб з мукі грубага памолу, кашы  – гэта спажыўныя прадукты, якія з'яўляюцца крыніцай энергіі, 50% якой узімку павінны даваць вугляводы

• рыба, дзічына, яйкі, брокалі, кукуруза, зялёны гарошак узбагачаюць арганізм хромам, які здымае ахвоту на салодкае

• бабовыя, соя, ільняное насенне, кунжут, прадукты з мукі грубага памолу, рыба, арэхі, семкі гарбуза і брокалі паляпшаюць абмен рэчываў дзякуючы магнію

• у малочных прадуктах, грэчцы, бабовых, соі, рыбе з касцьмі шмат кальцыя, які дае пачуццё сытасці
• абмежаванне белага хлеба і пірожных пазбаўляе нас ад цукру, лішак якога вядзе да атлусцення