Home > ХАРЧАВАННЕ > Кухні свету > Французская кухня >

Гародніна дня

Cалодкі перац

Цеплалюбная расліна, якую гадуюць дзеля пладоў, якія ў залежнасці ад гатунка маюць розныя колеры, формы і памеры.

болей

Прадукт дня

Зялёны гарошак "Пяшчотны" 720 мл

Зялёны гарошак "Пяшчотны" 720 мл. Адборны, салодкі і пяшчотны. Можна выкарыстоўваць для салаты і ў якасці гарніра.

болей

Гароднінныя пацешкі

Асабісты ахоўнік зроку

Зялёныя брокалі ахоўваюць вочы.

болей

Французская кухня

Многія знаўцы лічаць, што гэта найлепшая кухня на свеце.

Французская кухня цесна звязаная нацыянальнай культурай, лічыцца калыскай кулінарнага мастацтва і раем для кухароў. Яе сусветная слава знаходзіць адбітак і ў тым, што амаль кожны француз, незалежна ад адукацыі або сацыяльнага статусу, можа з лёгкасцю дыскутаваць на кулінарную тэматыку. Для сярэднестатыстычнага француза кухня - гэта неад'емны элемент штодзённага жыцця, не выпадкова менавіта французы вынайшлі мастацтва savoir-vivre -- правілы этыкету пры стале.

Рататуй - гароднінны гуляш

Гэта страва родам з Правансу, а дакладней - з Ніцы. Галоўныя складнікі рататуй - розная гародніна. Яго аснову складаюць перадусім памідоры, цыбуля, баклажаны, цукіні і салодки перац. Гэты апетытны гуляш дасканала сыграе ролю галоўнай стравы і дадатка да іншых страваў.

Французскія прысмакіПадобна іншым традыцыйным кухням, французская кухня вядомая стравамі, адзін успамін пра якія выклікае апетыт. З іншага боку, існуюць і дэлікатэсы, пакаштаваць якія не так проста і лёгка, напрыклад, французскія кілбаскі з трыбухі. Але ўсё ж самым папулярным і важным элементам французскай кухні з'яўляецца, безумоўна, багет. На яго папулярнасць уплывае стаўленне французаў да выпечкі, бо выпечка -- неад'емная частка практычна кожнай стравы.

Слімакі...Сваю папулярнасць у французскай кухні слімакі заваявалі дзякуючы Антуану Карэмэ - аўтару "Пахвалы французскай кухні". Гэтыя невялікія малюскі, прыгатаваныя з алеем, часныком і пятрушкай, сталі такімі папулярнымі, што былі вынайдзеныя адмысловыя талеркі з паглыбленнямі, а таксама абцугі для трымання гарачай ракавіны, дзякуючы чаму можна нанізаць слімака на двухзубы відэлец.

Аматары гэтых малюскаў нават не ўяўляюць, наколькі складаны працэс падрыхтоўкі слімакоў да таго, як яны трапляюць на талерку. Каб іх арганізм ачысціўся ад парэшкаў ежы, іх “саджаюць” на 10-дзённую галадоўку. Потым надыходзіць пара патройнай падрыхтоўкі: спачатку слімакоў вараць, потым студзяць, потым ізноў вараць. У самым канцы, ужо ахалоджаных, іх укладваюць у стэрылізаваныя ракавіны, нашмараваныя часнычным алеем, і толькі пасля гэтага іх можна падаваць на стол.

Багацце сыроў Рэгіянальная разнастайнасць Францыі, ідэальны клімат, ландшафты, разнароднасць свойскіх жывёл тлумачаць разнастайнасць сыроў, якіх у краіне каля 370 відаў. У залежнасці ад спосабу вытворчасці можна вылучыць свежыя сыры, мяккія, сыры са скуркай белай цвілі, казіныя сыры, спелыя сыры. Яны з'яўляюцца неад'емным элементам французскай кухні, іх падаюць да абеду і вячэры на драўлянай дошцы.

ВіноФранцузы п'юць яго замест вады, малака, гарбаты або піва. Цяжка ўявіць, каб французы падчас ежы не выпілі хаця б келіха віна. У будні французы п'юць малавядомыя сталовыя маркі, часцей за ўсё мясцовай віннай кампаніі, але ў святы да стала падаюць больш вядомыя і якасныя віны. Лічыцца, што кожны француз выпівае каля 100 літраў гэтага шляхетнага напою ў год.

Распарадак дня Французы вельмі ўважліва выбіраюць прадукты для кожнага прыёму ежы, меню залежыць ад даты ў каляндары, урачыстасці, пары дня або проста фантазіі кухара. Час прыёму ежы вар'іруецца ў залежнасці ад рэгіёнаў, але можна лічыць, што сняданак, які складаецца з кавы, гарбаты або гарачага шакаладу, якія заядаюць рагалікам з джэмам, прынята з'ядаць а 7-9 гадзіне раніцы. Абед апоўдні, а вячэра, якая пачынаецца з супу -- каля восьмай вечара.