Гародніна – смачная, разнастайная і здаровая

Правільныя прапорцыі Цудоўна, калі атрымліваецца нарыхтаваць гародніну з выкарыстаннем найноўшых спосабаў і пасля падаваць вялікімі порцыямі. Гатуйце звычайную страву, але змяніце месцамі прапорцыі мяса і гародніны; лепш выкарыстоўваць адразу тры розныя віды гародніны. Акрамя гэтага, можаце выкарыстоўваць нашмат менш мяса, чым раней, і ўзамен падаваць стравы, багатыя на вугляводы (паста, рыс ці бульба) і некалькі запечаных кавалкаў чаго-небудзь гародніннага ці дастатковую порцыю садавіны, якую Вы любіце.

Трэба таксама  ўводзіць у сваё меню вегетарыянскя стравы – напрыклад, запечаная бульба з гароднінным асарці і рызота, ці паста з абжаранай гароднінай.

Вось некалькі парад, як падвысіць Вашую дзённую порцыю:

• Дадавайце больш перцаў, морквы, цукіні, баклажанаў, кораню і лісця сельдэрэю, грыбоў, зялёнага гарошку і фасолі да вашых традыцыйных мясных ці курыных страў.
• Можаце дадаваць шмат гародніны ў свае сэндвічы – акрамя таматаў, агуркоў ці латуку, можна выкарыстоўваць рукалу, змельчаную моркву, радыс, белую ці чырвоную капусту і інш.
• Замарожаная гародніна вельмі прыдатная для салатаў. Замарожаныя бабы, струкавая фасоль, кукуруза цудоўна спалучаюцца з кубікамі агурка, дробна пасечаным часныком ці цыбуляй, таматамі, рукалай і г.д. Замарожаную гародніну трэба падварыць 2-3 хвіліны, зліць ваду і заправіць соусам.

Гародніна для дзяцейВарта пазнаёміць дзяцей са стравамі з гародніны. Вось некалькі ідэй, як гэта зрабіць:

• Дадаць парэзаную моркву ці сельдэрэй, калі Вы робіце бутэрброды.
• Можна ўпрыгожыць замарожаню піцу свежай гароднінай – таматамі, перцам, бабамі і кукурузай.
• Дадаць парэзаную на кубікі моркву, перац і таматы да спагеці Баланьезэ.
• Пры гатаванні барбекю рабіць акцэнт НЕ на мяса, сасіскі і інш.
• Змяшаць гарох, нарэзаную кубікамі моркву, шынкаваную капусту, кветкі брокалі і іншую гародніну з ялавічынай, каб зрабіць мясны рулет.
• Гатуйце пюрэ з бручкі, морквы і пастэрнака з бульбай.