На галоўную > ХАРЧАВАННЕ > Кухні свету > Галандская кухня >

Гародніна дня

Гадаваны грыб з белым капялюшыкам і белай ножкай. Гадуецца найчасцей у паўночнай Еўропіe і англамоўных краінах.

Прадукт дня

Чырвоная фасоля 425 мл. Чырвоная фасоля у натуральнай заліве. Пажыўны і каларыйны прадукт, багаты на вугляводы, бялкі і клятчатку. Аснова для супоў і салат.

болей

Гароднінныя пацешкі

Асістэнт прафесара

Гарошак браў удзел у навуковых даследаваннях, якія заклалі падмурак генетыкі.

болей

Галандская кухня

Галандская кухня найбольш славіцца шматлікімі гатункамі сыру і шакаладу.

І хоць яна не настолькі папулярная ў свеце, як італьянская або французская, яна таксама славіцца смачнымі стравамі, якія лёгка прыгатаваць.

Зялёны селядзец

Найчасцей у галандскай кухні ўжываюць селядца, макрэль, вугра, а таксама морапрадукты. Часцей за ўсё сустракаюцца рольмопсы, сыры зялёны селядзец з цыбуляй (maatjes haring), макрэль у булцы (broodje makreel), а таксама вялены вугор (gerookte paling). Рыба таксама з'яўляецца асновай больш вытанчаных асноўных страваў.

Паўночная прастата У галандскай кухні рыба і гародніна больш папулярныя за мяса. Гэта тыповая паўночная кухня, якая не можа пахваліцца шырокай гамай страваў. Яе прастата сыходзіць каранямі ў пачатак XX стагоддзя, калі ў Галандыі арганізоўваліся так званыя Huishoudschool (сямейныя школы для дзяўчынак), у якіх яны спазнавалі сакрэты хатняй гаспадаркі. Стравы, якія іх вучылі рыхтаваць у такіх школах, былі вельмі простымі, але менавіта яны цяпер з'яўляюцца гонарам галандскай кухні.

Апельсінавы брэндзі
Адчуваецца ўплыў суседніх кухняў, асабліва нямецкай і скандынаўскай. Як і немцы, галандцы любяць піва, асабліва лагер: Heineken, Grolsch або Amstel вядомыя далёка за межамі Галандыі. Падчас свят каралеўскай сям'і п'юць "нетрадыцыйны” апельсінавы брэндзі.

Галандскія супы

Традыцыйныя стравы простыя ў прыгатаванні і не маюць вялікай колькасці складнікаў. Кожны галандзец любіць снэрт (snert - вельмі густы гарохавы суп), а таксама хутспот (hutspot - страва з бульбы, гародніны і мяса, найчасцей з ялавічыны).

Ашчаднасць пры кавеВажнае месца ў галандскай кухні займаюць гарбата, кава і іншыя напоі, а таксама разнастайныя дэсерты. Гарбата і кава з'явіліся ў Галандыі вельмі даўно, іх прывозілі з галандскіх калоній у Індыі, і гэтыя напоі адразу ж здабылі папулярнасць не толькі ў Галандыі, але і ў іншых еўрапейскіх краінах. "Гадзіна кавы" (koffietijd) у Галандыі доўжыцца ад 10 да 11 гадзіны, а таксама ад 19 да 20. Існуе правіла "адно пірожнае на адзін кубак", якое лічаць вынікам галандскай эканомнасці. Галандцы завуць каву з малаком "няправільным", лічачы што сапраўдную каву трэба піць, не забельваючы. Таксама яны вельмі любяць гарачы шакалад і малако з анісам. Напоі суправаджаюць разнастайнымі дэсертамі: appelgebak (яблычныя блінцы з карыцай), speculaas (печыва з карыцай), stroopwafels (круглыя вафлі з густым сіропам), або poffertjes (маленькія блінцы). Цікава, што ў галандскіх гарадах такія дэсерты у сезон часта прадаюць на вуліцы, бо не кожны іх гатуе сам.

Цюльпаны супраць сыроў І яшчэ адно: што ж гэта за Галандыя без сыроў? Сыры гоўда або эдамэр – бадай, самыя вядомыя галандскія прадукты ў свеце, і папулярнейшыя за іх хіба што толькі галандскія цюльпаны. Гэтыя сыры вырабляюць з мясцовага абястлушчанага малака, звычайна яны маюць круглую форму. А сапраўдны галандскі гоўда павінен спець больш 12 месяцаў, у выніку чаго яна становіцца лёгкай і асабліва смачнай.
Вядома, ёсць шмат відаў гоўды, некаторыя гатовыя да ўжывання ўжо праз пару тыдняў, а некаторыя спеюць нават больш за 7 гадоў!

Іншыя артыкулы

Кухні свету - адчуй смакі і звычаі нацыянальных кухняў

Запрашаем цябе ў кулінарнае падарожжа вакол свету смакавітым шляхам кулінарыі. Выпрабуй правераныя кулінарныя рэцэпты са здымкамі гатовых страваў.

болей

Дыета для залежных ад шакаладу

Вядома, што можна стаць залежным ад алкаголю або наркотыкаў, але залежнасць ад шакаладу часта лічыцца жартам.

болей

Застольны этыкет

Этыкет за сталом – гэта збор правілаў, прыдатных у розных жыццёвых сітуацыях. Пазнаёмся з імі, і ты пазбегнеш няёмкіх момантаў і адчуеш сябе ўпэўнена ў кожным таварыстве.

болей