Раслінныя ідэі для прыдання вастрыні стравам

Гатовыя стравы (паўфабрыкаты) і ежа, набытая на вынас, можа быць хутка ўдасканаленая дадаткамі з гародніны, гароху імгненнай замарозкі, кавалкаў тамату. Калі Вы збіраецеся падсілкавацца рыбнымі палачкамі, рэкамендуем сумясціць іх з замарожанымі гарошкам і кукурузай.

• На паверхню піцы можна выкласці адціснутыя кансерваваныя таматы (лепш за ўсё, калі яны ўжо з травамі, спецыямі ды часныком) і замарожаную гародніну, напрыклад здробнены шпінак, брокалі, бабы і кукурузу. Прысыпце ўсё гэта сырам і кавалачкамі тостаў – гэта прыйдзецца Вам даспадобы!
• На замарожаную лазанью можна пакласці кавалкі кабачкоў ці таматаў і прысыпаць гэта парэзаным пармезанам, а ўжо прыгатаваную страву падаць з салатам.
• На замарожаны пірог добра выкласці слой гародіны і запячы усё гэта разам. Варта паспрабаваць дадаць нарэзаныя грыбы з таматамі, не будуць лішнім і нарэзаныя саломкай каляровыя перцы і кабачок.
• Бліны ці лаваш можна прыгатаваць са здробненым замарожаным шпінакам; неабавязкова нават разамарожваць яго. Можна дадаць малатлусты хатні сыр і парэзаную зялёную цыбулю. Пакладзіце гэта ў тэмпературатрывалую талерку, дадайце дробна нарэзаныя таматы з травамі, пасыпце пацёртым сырам і пастаўце запякацца.
• З індыйскіх страваў можаце прыгатаваць раіту, якая нагадвае салат. Для гэтага трэба змяшаць нарэзаны кубікамі агурок з зялёнай цыбуляй, морквай і здробненым карыяндрам з малатлустым натуральным ёгуртам, а пасля прыправіць свежай тоўчанай мятай і невялікай колькасцю молатага чылі.
• Для кітайскіх страваў мы рэкамендуем просты арыентальны салат. Змяшайце свежыя парасткі фасолі з дробна нарэзанай зялёнай цыбуляй, кансерваванымі парасткамі бамбуку і парэзаным чылімам. Падаваць гэты салат трэба на лістах кітайскай капусты, дадаўшы крыху сезамавага алею і соевага соусу.