Гародніна дня
Прадукт дня
Гароднінныя пацешкі
Карыбская кухня
Карані карыбскай кухні
Кухня жыхароў выспаў Карыбскага мора надзвычай багатая і разнастайная. Гэта ў вялікай ступені тлумачыцца гісторыяй выспаў, а таксама ўплывам шматлікіх народнасцяў з розных кантынентаў, а праз гэта – і разнастайнасцю кулінарных традыцый.
Доўгі час Карыбы былі калоніяй іспанцаў, партугальцаў, англічанаў, галадцаў і французаў. Значны ўплыў на кулінарныя традыцыі мелі нашчадкі жыхароў Афрыкі, якіх сюды прывозілі ў якасці рабоў.
У выніку атрымалася мяшанка кухняў народаў не толькі Еўропы, але і Афрыкі, а таксама тубыльцаў з Карыбскіх выспаў, вядомая нам як карыбская кухня.
Соўсы
Слова „соўс” паходзіць ад лацінскага „salsus”, што азначае “салёны” і “прыпраўлены”. Даўней соўсы выкарыстоўвалі для кансервацыі прадуктаў, а цяпер іх задача – разнастаіць і ўзбагачаць пах і смак страваў. Жыхары Карыбаў дадаюць соўсы да рыбы, мяса і морапрадуктаў, печаных на грылі ці смажаных. Некаторыя соўсы ўжываюцца найперш як марынады (марынаванне мяса і рыбы – абавязковы этап у гатаванні па-карыбску), а пазней гэтымі соўсамі паліваюць гатовую страву. Вельмі папулярныя густыя соўсы – дзіпы. Іх робяць на асновы маянэзу, смятаны ці ёгурту. Цешыцца папулярнасцю і вострае, духмянае чатні. Яго гатуюць з сезоннай садавіны і гародніны, а таксама прыправаў, гарчыцы і воцату. У карыбскіх соўсах выкарыстоўваюць усю разнастайнасць прыправаў, якіх ужываюць самым розным чынам у нечаканых спалучэннях. Усе соўсы карыбскай кухні лучаць салодкія гароднінныя смакі з вастрынёй прыправаў і цыбулі, а таксама выкарыстанне какосавага малака, рому і самых пікантных дадаткаў у свеце.
Фасоля – гэта аснова
Асноўнай гароднінай на Карыбскіх выспах з’яўляецца фасоля. Яе цэняць не толькі за смак, але і за добрае ўздзеянне на здароўе, бо ў фасолі вельмі шмат бялку. Апрача таго, фасоля зручная ў захоўванні. Карыбскі клімат асабліва спрыяльны для вырошчання фасолі, таму так шмат яе гатункаў сталі асновай для размаітых страваў. Менавіта адсюль фасолю прывезлі ў Еўропу, а потым і на іншыя кантыненты.
Рыба і морапрадукты – для бедных і багатых
Карыбы – гэта выспы, і нічога дзіўнага, што адным з асноўных складнікаў кухні гэтага краю выступаюць дарункі мора і рыба. Яны даступныя ўсім.
Ром і кактэйліКарыбы на ўсім свеце вядомыя даскналымі кактэйлямі. Іх аснову складае ром, кюрасао, а таксама горкая настойка “Ангастура”. Самыя вядомыя кактэйлі з Карыбаў – гэта:
- Куба Лібрэ
- Дайкіры
- Гавана спецыяльны
- Махіта
- Піна Калада
Карыбскія выспы – гэта радзіма рому. Амаль кожная выспа мае сваю рэцэптуру прыгатавання гэтага напою. Куба і Пуэрта-рыка прадукуюць лёгкі бескалёрны або бурштыновы ром. Ром з Гаіці вылучаецца водарам ванілі, а на Ямайцы гэта цяжкі і моцны напой. Ён з’яўляецца асновай многіх лікёраў і экзатычных кактэйляў. Рым шырока выкарыстоўваецца ў кандытарстве, гэта часты складнік крэмаў, пірожных і тартоў.
Рэцэпт дня
Топ 5 рэцэптаў
