Гародніна дня
Прадукт дня
Гароднінныя пацешкі
Колькі калорый у грыбах
Грыбы галоўным чынам складаюцца з вады, таму яны нізкакаларыйныя, добрыя для тых, хто хоча зменшыць масу цела. Яны даюць нам трохі мінеральных соляў, залежна ад таго, ці была лясная падсцілка, на якой растуць грыбы, багатая мінераламі.
| Прадукт | Колькасць | Энергетычная вартасць (ккал) | Бялкі (г) | Тлушчы (г) | Вугляводы (г) |
|---|---|---|---|---|---|
| Абабкі свежыя | 100 г | 31 | 3,3 | 0,5 | 3,4 |
| Абабкі сушаныя | 100 г | 231 | 23,5 | 9,2 | 14,3 |
| Апенькі | 100 г | 17 | 2,2 | 1,2 | 0,5 |
| Баравікі свежыя | 100 г | 25 | 3,2 | 0,7 | 1,6 |
| Баравікі сушаныя | 100 г | 211 | 27,6 | 6,8 | 10,0 |
| Грузды | 100 г | 16 | 1,8 | 0,5 | 0,8 |
| Лісічкі | 100 г | 20 | 1,6 | 1,1 | 1,5 |
| Маслякі | 100 г | 9 | 2,4 | 0,7 | 0,5 |
| Падасінавікі | 100 г | 32 | 2,3 | 0,9 | 3,7 |
| Падасінавікі сушаныя | 100 г | 239 | 35,4 | 5,4 | 12,9 |
| Сыраежкі | 100 г | 15 | 1,7 | 0,7 | 1,5 |
| Шампіньёны | 100 г | 15 | 2,1 | 0,5 | 0,5 |
Вітаміны і мінеральныя складнікі, якія ўтрымліваюцца ў грыбах
Апрача таго, грыбы утрымліваюць вітамін A ў выглядзе каратыну, а таксама значныя колькасці вітамінаў B1 і B2. Цікава, што ў іх выступае і антырахітычны вітамін D, якога няма ў зялёных раслінах. Іншыя вітаміны выступаюць у нікчэмных колькасцях. З мікраэлементаў у грыбах дамінуюць калій, фосфар, кальцый і жалеза, якія знаходзяцца галоўным чынам у карэньчыках і пласцінках.
Грыбы з’яўляюцца крыніцай бялка (сярэдняга паміж жывёльным і раслінным), які з прычыны цяжкастраўнасці грыбоў засвойваецца толькі на 60%. Утрыманне бялка ў грыбах меншае за ўтрыманне ў малочных прадуктах, мясе і яйках, але ў 4 разы большае, чым у моркве.
Прымяненне ядомых грыбоў у кухні
Стравы з грыбоў лічацца цяжкастраўнымі з-за наяўнасці ўтваральнага рэчыва – хітыну. Грыбы трэба спалучаць з лёгкастраўнымі дадаткамі (бульба, салата), каб дадаткова не абцяжарнваць страўнік. Варта ўнікаць спалучэнняў з цяжкастраўнымі элементамі, такімі, як фасоля, сельдэрэй, агуркі. Шматлікія даследаванні паказваюць на негатыўны ўплыў спалучэння грыбоў з алкаголем, які аблягчае расшчапленне тлушчоў, але сцягвае ў страўніку бялкі, якія робяцца яшчэ больш адпорныя на ўздзеянне страўнікавага соку. Дзецям да трох год, а таксама тым, хто мае алергію на грыбы, увогуле нельга іх есці. У кітайскай і японскай медыцыне стагоддзямі выкарыстоўваюць грыбы для лячэння ракавых захворванняў, дыябету і хвароб крывяноснай сістэмы. Шмат якія гатункі грыбоў узмацняюць імуналагічную сістэму чалавека.
Захоўванне грыбоў Можна атруціцца і ядомымі грыбамі, калі іх кепска захоўвалі, гатавалі або калі назбіралі грыбоў старых, пашкоджаных і хворых. Збіраць грыбы трэба ў посуд, які прапускае паветра, у цэлафанавым пакеце яны могуць зацвісці. Есці грыбы трэба толькі пасля тэрмічнай апрацоўкі, нельга іх шматразова падаграваць, а з’есці неабходна ў дзень прыгатавання. Як перад гатаваннем, так і пасля грыбы трэба адпаведна захоўваць, бо яны – дасканалы асяродак для хваробатворных бактэрый. Пасля вяртання з лесу грыбы трэба перабраць, папаласкаць, ускіпяціць, а ваду зліць.
Рэцэпт дня
Топ 5 рэцэптаў
