Колькі калорый у салёных перакусах

Салёныя перакускі даюць пачуццё сытасці. Часта яны прыпраўленыя рознымі травамі і вострымі прыправамі, што дадаткова ўзмацняе апетыт. Вялікая колькасць солі, якая прыпадае на 100 г прадукту, выклікае смагу, а атрыманая вадкасць затрымліваецца ў арганізме.

Табліца каларыйнасці салёных хрупак

Прадукт	Колькасць	Энергетычная вартасць (ккал)	Бялкі (г)	Тлушчы (г)	Вугляводы (г)
Абаранкі звычайныя	100 г	335	10,9	1,3	68,0
Абаранкі звычайныя	100 г	317	10,4	1,3	64,1
Кукурузныя палачкі	100 г	352	8,9	3,0	78,9
Палачкі салёныя	100 г	385	9,9	4,9	75,2
Палачкі салодкія	100 г	373	9,7	6,0	69,2
Попкорн без тлушчу	100 г	397	12,0	4,2	77,9
Попкорн з тлушчам	100 г	518	9,0	28,1	57,1
Сухарыкі малочныя	100 г	399	8,5	10,8	66,7
Чыпсы	100 г	549	6,0	40,0	50,4

Салёныя хрупкі і заровы рацыён

Чыпсы робяць з абабранай і тоненька пакроенай бульбы, якую потым смажаць у алеі з дадаткам солі ці іншых смакавых прыправаў, што робіць іх высокаэнергетычным прадуктам. Якасць тлушчу, які ўжываецца для смажкі чыпсаў, мае істотнае значэнне, бо падчас тэхналагічнага працэсу у ім утвараюцца небяспечныя для здароўя ізамеры тлушчовых транс-кіслот. У той жа час дэградуюць вітаміны, якія ёсць у бульбе, хаця б той жа вітамін C, які разбураецца пры высокіх тэмпературах.

Палачкі таксама належаць да высокакаларыйных прадуктаў, некаторыя віды ўтрымліваюць значную колькасць тлушчу (каля 30%). Дадатак кунжуту яшчэ падымае каларыйнасць палачак. Салёныя палачкі адзначаюцца вельмі высокім утрыманнем солі, якое значна перавышае дзённую норму.

Лішак солі ў рацыёне, асабліва ў некаторых асобаў, можа спрычыніцца да падвышэння крывянога ціску. Дапамагчы ў яго зніжэнні можа сельдэрэй. Даследаванні пацвердзілі наяўнасць у сельдэрэі злучэнняў, якія рэгулююць крывяны ціск.

Усё гэта прыводзіць да таго, што салёныя перакускі займаюць адно з першых месцаў у спісе прадуктаў, якія ўскладняюць пахуданне і могуць выклікаць рост масы цела.

 

Puffing – здаровыя чыпсы з садавіны і гародніны

На рынку з’яўляецца ўсё больш гароднінных і садавінных чыпсаў, якія робяць новым спосабам. Ён называецца пуфінг і палягае не ў смажцы, а ў выпарэнні вады з ужываннем мікрахваляў. Апрацаваныя такім чынам чыпсы такія ж крохкія, як і традыцыйныя. Увесь працэс ідзе пры тэмпературы каля 28 °C, таму не страчваюцца вітаміны і мінералы, якія ўтрымліваюцца ў гародніне  і садавіне. Можна сказць, што пачак такіх чыпсаў мае такую ж пажыўную вартасць, як гародніна, з якой яны зробленыя. Чыпсы, якія робяцца новым метадам, нясуць у сабе 250 ккал у 100 г прадукту. Энергія галоўным чынам паходзіць з вугляводаў. Шмат і клятчаткі. У выпадку ж смажаных чыпсаў энергія паходзіць з тлушчу.