Кукуруза

 

Залаты град  Кукуруза паходзіць з Цэнтральнай Амерыкі, лічыцца, што яе гадуюць ад 7000 гадоў да н.э. Яна была асноўным складнікам харчавання мая, ацтэкаў і інкаў. Кукуруза была часткай іх культуры. Ацтэкская легенда гаворыць, што Бог Сонца паслаў залаты град (кукурузу), каб накарміць людзей.

У Еўропу, так як і іншыя навінкі з Новага Свету, кукуруза прыплыла разам з Хрыстафорам Калумбам. Спачатку яе называлі “індзейскім збожжам”. У XVІ стагоддзі яе пачалі вырошчваць французы і італьянцы. Дзякуючы іспанцам і партугальцам, кукуруза патрапіла ў Афрыку.  
Напачатку кукуруза не была асабліва папулярная, цанілася толькі вырабленая з яе мука. І толькі ў XІX стагоддзі культуру пачалі масава вырошчваць.  
Сёння кукуруза шырока прымяняецца ў кухні. З кукурузнай мукі пякуць хлеб і пячэнне, робяць італьянскую паленту. Мука – аснова мексіканскай тартыльі, якая з’яўляецца галоўным складнікам такас або энчылады. Кукурузу дадаюць у салаты, гатаваная кукуруза суправаджае мясныя стравы. Мы ўжываем яе таксама ў форме папкорну і сняданкавых шматкоў. Кукурузу ўжываюць і для вытворчасці бурбона.

300 мільёнаў на дзень

Столькі порцый тартыльі з’ядаюць у Мексіцы штодня! Гэта азначае, што за год з’ядаецца 100 мільярдаў штук тартыльі!

Багіня ў  агародзеІндзейцы лічылі кукурузу адной з багінь раслінаводства, побач з фасоляй і гарбузом.  
Кукуруза шырока прымяняецца ў іх культуры:  

• насенне – у якасці ежы, для вырабу алею, алкаголю, упрыгожанняў,  

• лісце – для набівання матрасаў, вырабу лялек і макасінаў,  

• для памерлых, у якасці пасагу ў дарогу да Краіны Вечных Ловаў.