Міжземнаморская харчовая піраміда

Міжземнаморскі феномен  

Навуковыя даследаванні цвердзяць, што жыхары Міжземнамор'я самыя здаровыя людзі на планеце. Кожны з 20 рэгіёнаў міжземнамор'я мае ўласную культуру і звычаі, таксама як і кулінарныя традыцыі. 

Але ёсць, вядома, і агульныя рысы: гэта вялізная папулярнасць аліўкавага алею (алівы), ужыванне чырвонага віна, вялікай колькасці гародніны і садавіны, а таксама актыўны стыль жыцця. Усе гэтыя фактары разам, памножаныя на спрыяльныя кліматычныя ўмовы, ствараюць феномен міжземнаморскага здароўя.

Малако і віно

Другім немалаважным складнікам з'яўляецца малако і малочныя прадукты – сыр або ёгурт, папулярныя ў басейне Міжземнага мора. Ну і, вядома ж, віно! Практычна кожную страву ў Італіі, Францыі або Грэцыі запіваюць віном разнастайных гатункаў.

Штодня, штотыдзень ці штомесяц?  

Гародніну і садавіну, зернепрадукты, выпечку, макароны і бульбу, арэхі, невялікую колькасць віна, малака і малочных прадуктаў варта есці штодня. Да таго ж ніколі не забывайцеся пра штодзённую фізічную актыўнасць. Курыцу, яйкі і дары мора дастаткова есці раз на тыдзень, а чырвонае мяса лепей не есці часцей, чым раз на месяц.  

Міжземнаморская дыета забяспечыць арганізм усімі неабходнымі вітамінамі, мінераламі і антыаксідантамі. Вугляводы, пратэіны і невялікая колькасць тлушчу, якая ўтрымліваецца ў ёй, дапамогуць зберагчы сэрца і падаўжаюць жыццё.