Міжземнаморская кухня

Еш хоць расперажысяНавукоўцы з універсітэта ў Сэнт-Эцьен у Францыі правялі даследаванні больш чым 600 пацыентаў, якія перанеслі інфаркт. Іх падзялілі на дзве групы. Адныя “сядзелі” на  традыцыйнай нізкакаларыйнай дыеце для сардэчнікаў, другія – на міжземнаморскай дыеце, якая базуецца на аліве, макаронах, свежай гародніне і садавіне, фасолі, невялікай колькасці чырвонага мяса, большай колькасці птушкі і рыбы, а таксама на чырвоным віне да ежы. Вынікі даследаванняў ашаламлялі. Ужо праз два гады была адзначаная вялікая розніца ў групах – у «міжземнаморскай» групе значна павялічылася працягласць жыцця, затое рэзка скарацілася захворвальнасць на рак (на 61%).

  

 

Obrigado dos Portugueses – Дзякуй партугальцам... Партугальцы лічаць, што менавіта ім мы абавязаныя сучаснай кухняй. Выбітныя падарожнікі, а потым магутныя асаднікі, яны прывезлі ў Еўропу шматлікія навінкі – каву, цукар з трыснягу, новыя гатункі фасолі, рыс, перац або цвічку.

Тапас – штосьці на зубок з ІспанііВажная страва іспанскай кухні, якую падаюць у барах і кафэ – гэта тапас,  сподкі з закускамі, якія падкрэсліваюць смак віна. Складнікі тапас залежаць выключна ад творчых здольнасцяў кухара. Гэта могуць быць масліны або міні-стравы з  морапрадуктаў. Кажуць, што традыцыя тапас (ад слова tapar, што азначае “прыкрыць”) паходзіць ад звычкі прыкрываць шклянку херэса лустай хлеба, каб у віно не заляцела муха. Маўляў, гэта была спрытная выдумка бармэнаў, якія разлічвалі на тое, што кліенты з'ядуць гэтае "вечка" і замест таго, каб пайсці дахаты паабедаць, будуць замаўляць яшчэ.

 

Спагеці, фарфале, тальятэле – цяжка палічыць, так шмат смачнага. Аднае толькі пасты існуе больш за шэсцьсот відаў.