Нямецкая кухня

Панятак нямецкай кухні, як аднаго цэлага, з'явіўся толькі ў другой палове XIX стагоддзя, разам з аб’яднаннем нямецкіх земляў у адну дзяржаву.

 

Рэгіянальныя  традыцыі У заходняй Нямеччыне  – Шварцвальдзе і Бадэн-Вюртембергу моцна адчуваецца ўплыў суседніх Швейцарыі і Францыі. Вельмі важную ролю ў тутэйшай кухні грае гародніна.
У той жа час на поўдні, асабліва ў Баварыі, ядуць больш тлушчоў і, можа, менавіта таму нямецкая кухня на працягу стагоддзяў лічылася вельмі тлустай, і таму не здабыла сусветнай папулярнасці. Тым не менш, нямецкая кухня належыць да вытанчаных і вядомых далёка за межамі Нямеччыны.

Супы ў  НямеччынеСупы ў Нямеччыне не асабліва папулярныя, самыя вядомыя з іх gulaschsuppe – падобны на венгерскую страву гуляш, востры суп bohnensuppe i zwiebelsuppe –падобны на французскі суп з чырвонай цыбулі. Немцы з усходу часта гатуюць салянку – востры ўкраінскі суп з каўбасой. Але больш вядомыя ўсё ж супы з кнедлікамі, напрыклад баварскі leberknodelsuppe. Астатнія стравы не вельмі мудрагелістыя. Звычайна гэта салата, паштэт або халоднае мяса. У паўночнай Нямеччыне вельмі папулярная рыба і дары мора. Больш за ўсё немцы любяць стронгу.

 

Квашаная капустаВельмі папулярная тут капуста: вараная, тушаная, квашаная. З'явілася яна на тэрыторыі сучаснай Нямеччыны вельмі даўно, і з тых часоў не страціла сваёй ролі ў нямецкай кухні.
Зялёную капусту марынуюць і называюць sauerkraut, чырвоную гатуюць з дадаткам яблык і называюць apfelrotkohl. Акрамя капусты вельмі папулярная спаржа. Спаржавы сезон доўжыцца з красавіка па чэрвень. У гэты час многія рэстараны прапануюць, апрача традыцыйнага, яшчэ і спаржавае меню.

Ні дня без кавы
Самы распаўсюджаны  безалкагольны напой - кава. Слова „Kaffeekuchen” у Нямеччыне азначае каву з пірожным - любы прыём ежы, падчас якога выпіваюць каву з дэсертам.