Партугальская кухня

Партугальская кухня – на заходнім краі кантынента Партугалія - край нашчадкаў вялікіх першаадкрывальнікаў і маракоў. Яе сучасную кухню сфармавалі, з аднаго боку, захопнікі, то бок рымляне або арабы, а з іншага - экзатычныя падарожжы партугальцаў у Новы свет. Стравы, якія трапляюць на партугальскі стол, спалучаюць прастату смакаў з экзотыкай карэнных прыправаў. Рымляне ўнеслі ў партугальскую кухню часнок, а арабы - рыс, міндаль, лімоннае дрэва, фігі і персікі.

Зялёны суп, зялёнае віно На поўначы кароль стала - caldo verde - зялёны суп, нацыянальны суп партугальцаў, які гатуюць з лісця капусты couve gallega. У пары з зялёным супам ідзе wino verde, маладое зялёнае віно, якое дасканала пасуе да летніх цёплых вечароў. Калі дадаць да гэтага кукурузны хлеб broa de milho і сусветна вядомыя  вострыя кілбаскі chorizo, атрымаем ідэальную страву для ласуна, які шукае новых кулінарных досведаў.

 

Фірмовы знак сонечнага поўдня Партугаліі - садавіна гэтага рэгіёну, якая часта прымяняецца ў рэцэптах тутэйшай кухні. Аматары слодычаў павінны пакаштаваць цукеркі з міндальнай масы, якая завецца Dom Rodrigo, а таксама белыя цукровыя шарыкі morgado, напоўненыя пышнай міндальнай масай. Паўналетнім рэкамендуем брэндзімель (brandymel) – мясцовы мядовы брэндзі.

На далёкіх выспах Варта памятаць і пра заморскія тэрыторыі Партугаліі - Азорскія выспы або Мадэйру. Прыкметай тамтэйшай кухні можа служыць рэдкая на кантыненце ялавічына. Мясцовыя прысмакі - гэта cozido à Furnas - мяшанка рознага мяса і гародніны, якую тушаць у земляных печах, а таксама марцэла (morcela).

Нацыянальны ласунак Самай вядомай нацыянальнай партугальскай стравай лічыцца бакалхау (bacalhau), сушаная салёная трэска, прыгатаваная рознымі спосабамі. Існуе перакананне, што партугальцы здольныя прыгатаваць бакалхау на 365 ладоў - столькі, колькі дзён у годзе. Найбольш папулярныя рэцэпты - з брокалі, кукурузай, салодкім перцам, кветкавай капустай, гарошкам.

 

Даўным-даўно адзін пілігрым быў несправядліва абвінавачаны ў забойстве і судзіў яго суддзя, які падчас вынясення вердыкту якраз еў пеўня. Пілігрым у сваім апошнім слове сказаў, што певень, якога есць суддзя, ажыве, калі пілігрым нявінны. Певень устаў і заспяваў, а пілігрыма апраўдалі. Пасля таго незвычайнага здарэння певень стаў сімвалам краіны, які змяшчаюць на паштоўках і марках.

Гародніна ў партугальскай кухні Партугальцы аддаюць перавагу стравам, прыгатаваным з тушанай гародніны, якую гатуюць або запякаюць у спалучэнні з мясам, рыбай або дарамі мора. Гародніна ў партугальскай кухні служыць у асноўным для таго, каб заспакоіць голад. Часта гародніна выступае як аснова стравы, аднак не цураецца быць і дадаткам да мяса і рыбы. Гародніна робіць страву больш пажыўнай,  энергетычна вартаснай. Немагчыма не прыгадаць пра страву, якая называецца feijoada (фейхоада). Яе аснова -  мяса, а таксама фасоля і іншая гародніна.

Немагчыма не згадаць і памідоры. Яны граюць такую важную ролю ў партугальскай кухні, што ў кухнях іншых краін "па-партугальску" азначае "з памідорамі".