Рацыён і здаровы сон

Трыптафан - гэта амінакіслата, якая падымае ўзровень сератаніну, а таксама мелатаніну, гармонаў, важных для спакойнага сну. Ён уваходзіць у склад бялкоў, таму на вячэру варта ўжываць тварог, малако і малакапрадукты, якія ўтрымліваюць багата гэтага складніка. Выбірайце гатаваную на пары ці на вадзе гародніну, рыбу або нятлустае мяса.

 

Варта ўзбагачаць дыету вугляводамі, якія маюць уплыў на выдзяленне сератаніну, "гармону шчасця", адпаведны ўзровень якога дазволіць нам расслабіцца і спакойна заснуць. Багатымі крыніцамі вугляводаў з'яўляюцца прадукты, якія ўтрымліваюць крухмал, між іншымі мука, хлеб, рыс, кукуруза, макароны, бульба, кавуны, ячменная каша, аўсяныя шматкі.

Клопаты са сном выклікае найперш вітамін B₁₂, які рэгулюе правільную працу нервовай сістэмы. Галоўнай крыніцай вітаміну B₁₂ з'яўляецца мяса, вяндліна, птушка, рыба, яечныя жаўткі і малакапрадукты. Спакойнаму сну спрыяе таксама правільны ўзровень магнію з арганізме. Недабор магнію можна дапоўніць ужываннем арэхаў, соі, грэчневай кашы, бананаў, какао і кунжуту.

 

За правільны сон адказвае і вітамін B₆, які выступае як у раслінных, гэтак і ў жывёльных прадуктах. Яго недахоп выклікае дэпрэсіўныя станы. Парушэнні сну могуць быць выкліканыя недахопам вітаміну B₁, які выступае найперш у раслінных прадуктах. Вітаміны гэтай групы мы можам знайсці ў збожжавых, хлебе грубага памолу, гародніне (асабліва сушаным насенні стручковых), яечных жаўтках, вяндлінах і птушцы, малакапрадуктах.

Вялікім ворагам сну з'яўляецца кафеін. Найбольш кафеіну ўтрымліваецца ў  шакаладзе, моцнай гарбаце, танізуючых напоях і кока-коле. Вялікія колькасці кафеіну вымываюць з арганізму мінералы, такія, як кальцый і магній. У спакойным засынанні могуць замінаць вострыя або вельмі салодкія стравы, якія часта выклікаюць пякотку. Трэба ўнікаць алкаголю і тытуню. Алкаголь спачатку выклікае санлівасць, але не дае глыбокага, бесперарыўнага сну.

Пазбягай прадуктаў, якія ўтрымліваюць тлустыя насычаныя кіслоты, асабліва жоўтага сыру, чырвонага мяса, птушыных субпрадуктаў, а таксама тлустых малочных прадуктаў.

 

Вячэрні прыём ежы не павінен утрымліваць тырамін, які ўплывае на выдзяленне адрэналіну. Адрэналін выклікае ціск, прыспешвае актыўнасць сэрца, што не спрыяе адпачынку. Асабліва шмат тыраміну ў жоўтых сырах, вэнджанай і салёнай рыбе, соевым соўсе і некаторых гатунках вінаў.