На галоўную > ХАРЧАВАННЕ > Кухні свету > Кітайская кухня > Качка па-пекінску >

Гародніна дня

Шампіньёны

Гадаваны грыб з белым капялюшыкам і белай ножкай. Гадуецца найчасцей у паўночнай Еўропіe і англамоўных краінах.

болей

Прадукт дня

Зялёны гарошак "Пяшчотны" 850 мл

Зялёны гарошак "Пяшчотны" 850 мл. Адборны, салодкі і пяшчотны. Можна выкарыстоўваць для салаты і ў якасці гарніра.

болей

Гароднінныя пацешкі

Асабісты ахоўнік зроку

Зялёныя брокалі ахоўваюць вочы.

болей

Качка па-пекінску

час прыгатавання:

360 min

колькасць порцый:

складанасць:

цяжкі

Качка па-пекінску – самая славутая страва кітайскай кухні, падаецца не толькі ў рэстаранах Пекіна, але і ва ўсім свеце.

Апісанне

Мяса качак, гадаваных пад Пекінам, вельмі смачнае. Працэс падрыхтоўкі качкі вельмі складаны: тушку лакіруюць меласай, напампоўваюць паветрам і запаўняюць кіпнем. Пякуць яе над агнём з мяшанкі розных парод садовых дрэваў.

Складнікі

Качка:
1 качка (каля 2 кг)
2 лыжкі соевага соўсу
2 ½ лыжкі карычневага цукру
1 лыжка віннага воцату
12 цыбулек-дымак
1 агурок

Соўс хойсін:
250 г слівовага павідла
3 лыжкі соевага соўсу
1 лыжка шэры (sherry)
карыца, востры молаты перац, імбір у парашку

Хлеб мандарына (бліны):
4 шклянкі мукі
1 ¼ шклянкі кіпеню
2 лыжкі алею
шчопаць солі

Спосаб прыгатавання

Качку пакласці на 3 хвіліны ў кіпень. Выняць, абсушыць і падвесіць на ноч у памяшканні, каб высахла.
Замяшаць соевы соус, карычневы цукар і вінны воцат. Потым нацерці качку і зноў падвесіць на 4 гадзіны.
Падагрэць духоўку да тэмпературы 190 C, качку выкласці на пергаментную паперу, пад спод паставіць бляху з вадой. Пячы 30 хвілін. Зменшчыць тэмпературу да 150 C і пячы 1 гадзіну.
Хлеб мандарына: муку і соль вымешаць, дадаць ваду і замясіць цеста. Пакінуць пад вечкам на 15 хв. Сфармаваць з цеста валок дыяметрам 5 см, а потым парэзаць яго на кружкі таўшчынёю у 1 см. Кожны кружок разгнесці да аладкі дыяметрам у 8 см. Адзін бок кожнай аладкі памазаць алеем, скласці па два намазанымі бакамі. Потым раскачаць на аладкі дыяметрам па 15 см.
Аладкі смажыць на разагрэтай патэльні па 1 хвіліне, сочачы, каб яны не падрумяніліся Скласці напалову і ўтрымаць цёплымі да прыгатавання качкі.
Соўс: добра вымешаць соевы соўс, павідла, шэры і прыправы. Падагрэць на патэльні, увесь час мяшаючы, астудзіць, а потым ахалодзіць у халадзільніку.
Цыбулю-дымку і агурок парэзаць саломкай
Запечаную качку пакроіць на скрылёчкі, пакласці па некалькі скрылькоў на аладкі, разам з некалькімі палоскамі агурка, дымкі і лыжачкай слівовага соўсу.

Як падаць: Аладкі скруціць рулончыкам і есці, трымаючы ў руках.