На галоўную > ХАРЧАВАННЕ > Кухні свету > Французская кухня > Рататуй >

Гародніна дня

Шампіньёны

Гадаваны грыб з белым капялюшыкам і белай ножкай. Гадуецца найчасцей у паўночнай Еўропіe і англамоўных краінах.

болей

Прадукт дня

Зялёны гарошак "Пяшчотны" 850 мл

Зялёны гарошак "Пяшчотны" 850 мл. Адборны, салодкі і пяшчотны. Можна выкарыстоўваць для салаты і ў якасці гарніра.

болей

Гароднінныя пацешкі

Трыкалор

Спаржа бывае трох колераў.

болей

Ratatouille - рататуй, раслінная страва з Ніцы

час прыгатавання:

60 min

колькасць порцый:

складанасць:

просты

Рэцэпт рататуя, сусветна вядомай стравы з гародніны.

Апісанне

Рататуй паходзіць з Ніццы. Гэта страва, заснаваная на гародніне: баклажанах, перцы, памідорах, кабачках і цукіні. Яе можна падаваць як асноўную страву і як гарнір.

Складнікі

1 кг спелых памідораў,
2 салодкія балгарскія перцы рознага колеру,
1 вялікі баклажан
1 лыжка солі
3/4 шклянкі алівы
1 кабачок
1 цукіні
2 вялікія цыбуліны
3 вялікіх зубчыкі часныку
100 мл чырвонага дэсертнага віна,
3-4 галінкі свежага кмену
5 лыжак парэзанай пятрушкі
5 лыжак парэзанага свежага базіліка
свежамолаты перац
сок аднаго лімона

Спосаб прыгатавання

Памыць баклажан і парэзаць яго кубікамі.
Пасыпаць яго соллю і пакласці на 25 хвілін у друшляк, каб выцек сок.
Ачысціць памідоры ад скуркі, парэзаць на 4 часткі і выдаліць насенне.
Цыбулю, цукіні, перац і кабачок асобна парэзаць кубікамі.
На вялікай патэльні разаграваем алей. Кладзем цукіні і кабачок, тушым 4-6 хвілін, пакуль не зарумяняцца. Адцэджваем і перакладваем у чыстую каструлю. На патэльню дадаем 2 лыжкі свежай алівы і тушым перац на працягу 5 хвілін. Пасля гэтага перакладаем яго ў каструлю.
Вымыты і асушаны баклажан тушым на 3-4 лыжках гарачага алею. Трэба ўважліва сачыць, каб ён не прыгарэў. Праз 6-8 хвілін, калі баклажан злёгку падрумяніцца і памякчэе, перакладаем яго ў каструлю разам з астатняй гароднінай.
На патэльню дадаем 3 лыжкі аліўкавага алею і смажым на ёй цыбулю і нацёрты часнок. Дадаем віно і чакаем, пакуль яно выпарыцца. Пасля кладзем памідоры, кмен і 2 лыжкі пятрушкі.
Дадаем ўсю гародніну і тушым на маленькім агні 12 хвілін. Калі гародніна стане мяккай, здымаем яе з агню і далікатна мяшаем, дадаючы рэшту пятрушкіі 4 лыжкі базіліка.
Усё разам да смаку заправіць соллю, перцам, свежым лімонным сокам і базілікам.

Як падаць: Страву можна падаваць гарачай альбо халоднай. Да гэтай стравы ідэальна падыдзе хрумсткі французскі багет або свежапрыгатаваныя макароны