Смак свежай гародніны

Маладая гародніна вельмі добрая для гатавання прыемных страваў. Яна не любіць занадта шмат прыправаў, заўсёды добра спалучаецца са свежым зяленівам, далікатным мясам, асобнай малочнай прадукцыяй і рыбай. Такое спалучэнне дазволіць зрабіць страву са свежай гародніны выключна смачнай. Сярод плюсаў маладой гародніны – багацце на мінералы і вітаміны, утрыманне большай колькасці вады і меншай – клятчаткі. Акрамя таго, яны ўтрымліваюць шмат цукру, які з ростам ператвараецца ў крахмал. З-за тонкай скуры яны лёгка губляюць ваду і вянуць. Набываючы такую гародніну, упэўніцеся, што яна дастаткова “дарослая”, каб даць патрэбную колькасць водару.

Мыццё

Скура маладой гародніны вельмі тонкая, таму не ўсю яе трэба нават чысціць. Караняплоды часта патрабуюць толькі якаснага мыцця. Калі ёсць падставы думаць, што пры іх вырошчванні было выкарыстана зашмат угнаенняў, іх трэба чысіць больш “расходліва”. Маленькая бульба можа быць памытая і замочаная ў халоднай салёнай вадзе, пасля чаго скурку можна проста сцерці.

Захоўванне

• Нельга захоўваць свежую гародніну ў халадзільніку больш за 2-3 дні.
• Прамыўшы латук ці шпінак, пакладзіце іх у пластыкавы пакет.
• Буракі і морква на завянуць, калі вы загорнеце іх у вільготны папяровы ручнік;
• Нямытая бульба захоўваецца даўжэй за мытую.

Метады прыгатавання

Маладая гародніна не патрабуе доўгага гатавання, яе лёгка пераварыць, таму лепшым варыянтам тут будзе апрацоўка парам ці выкарыстанне невялікай колькасці вады. Затым дадайце да яе невялікую колькасць масла, ці масла з хлебнымі кубікамі. Затымі яе можна пасераваць, выкарыстаць для прыгатавання лёгкага супу; яна надае цудоўны смак салатам, лепш за ўсё пры гэтым паліць яе невялікай колькасцю соуса ці папырскаць лімонным сокам і аліўкавым алеем.