Спосабы захоўвання прадуктаў

АпертызацыяСпосаб кансервавання ежы, вядомы апертызацыя, выпрацаваў Нікаля Апэр (Nicolas Appert) у 1810 г. Ён заключаецца ў даўгатэрміновым гатаванні прадуктаў у герметычна закрытых сасудах, пагружаных у ваду. Гэта адзін з метадаў пастэрызацыі. Працэс кансервацыі ежы гэтым спосабам палягае ў шчыльнай закрытасці без доступу паветра. Падчас апертызацыі затарможваецца развіццё шкодных для прадуктаў мікраарганізмаў. Гэты працэс робіць прадукты абсалютна бяспечнымі, прытым не змяняючы іх смаку. Такім спосабам можна кансерваваць і мяса, і гародніну.

ПастэрызацыяМетад пастэрызацыі вынайшаў Луі Пастэр падчас даследаванняў працэса ферментацыі. Падчас пастэрызацыі прадукт награваюць да тэмпературы, у якой гінуць мікраарганізмы. Класічны метад пастэрызацыі палягае ў награванні вышэй за 60ºC, аднак не вышэй за 100ºC. Істотна тое, што пастэрызацыя можа захаваць смакавыя і пажыўныя якасці прадукту, не нішчачы ў ім вітамінаў.

ЗамарозкаЗамарозка - гэта самы сучасны і самы эфектыўны спосаб кансервацыі ежы. Ежу замарожваюць у розных тэмпературах. Гародніну и садавіну марозяць пры -30-40 °C, а мяса пры  -20°C - 40 °C.
Атрыманы марожаны прадукт у значнай ступені захоўвае дыетычныя, пажыўныя і арганалептычныя вартасці зыходных прадуктаў. Дзякуючы гэтаму метаду прадукты захоўваюць набольшую колькасць пажыўных рэчываў у параўнанні з іншымі спосабамі кансервацыі. Між іншага добра захоўваюцца такія важныя для нашага арганізма вітаміны, мінеральныя солі, бялкі і тлушчы. Аднойчы размарожаную ежу нельга замарожваць наноў.

Квашанне і акісленнеКвашанне з'яўляецца біялагічным метадам кансервацыі прадукцыі. Яно заснавана на ўтварэнні малочнай кіслаты падчас малочнай ферментацыі. Метад квашання прымяняюць найперш пры кансервацыі расліннай прадукцыі. Квашанне дазваляе захоўваць ежу пры адначасным утрыманні пажыўных вартасцяў. Паўсюдна ў краінах Еўропы прымяняецца квашанне капусты. Правільна квашаная капуста павінна быць утрамбаваная і змешчаная у спецыяльную дзежку. Важна, каб падчас квашання даліваць раствор, які пабуджае выдзяленне сокаў з капусты і прыспешвае развіццё бактэрыі малочнай кіслаты.

СушкаСушка як спосаб захоўвання прадукцыі шырока прымяняецца як у хатніх гаспадарках, гэтак і на прадпрыемствах харчовай прамысловасці. Сушэнне ежы вядомае здаўна, аднак яго пастаянна ўдасканальваюць. Сушэнне выдаляе з прадуктаў ваду. Гэта эфектыўна запабягае развіццю мікраарганізмаў. Метад ужываецца пры нарыхтоўцы гарбаты, кавы, вырабе макаронаў, а таксама для сушэння гародніны.

ВэнджаннеВэнджанне прадуктаў кшталту мяса, рыбы або сыру адбываецца так: прадукт змяшчаюць у адмысловую печ, дзе паддаюць уздзеянню вэнджарнага дыму. Гэта дым, які ўтвараецца ў асноўным ад спальвання драўніны лістоўных парод дрэва. Дзякуючы гэтаму працэсу, ежа, апрача кансервацыі, набывае характэрны пах і смак.