Калькулятар WHR (Waist Hip Ratio)

                                Палічы свой WHR у нашым лічыльніку!

Чаму варта ведаць паказнік WHR? Найноўшыя даследаванні даводзяць, што ўплыў на з’яўленне шэрагу хваробаў мае не толькі само атлусценне, але і яго тып. 

Асабліва небяспечная для здароўя тлушчовая тканка, размешчаная у ваколіцах жывата. Для вызначэння размяшчэння тлушчовай тканкі, а таксама тыпу атлусцення і прымяняецца паказнік адносінаў акружнасці таліі да акружнасці бёдраў (Waist/Hip Ratio, або WHR). Гэтая велічыня па-рознаму інтэрпрэтуецца ў жанчын і мужчын з прычыны натуральных анатамічных адрозненняў.

Тыпы атлусцення –  як яны ўплываюць на наша здароўе? Атлусценне мы дзелім на 2 асноўныя тыпы: 
- брушны тып (яблыкападобны, андраідальны, мужчынскі) – часцей сустракаецца ў мужчын, а таксама жанчын пасля менапаўзы. Гэты тып атлусцення самы небяспечны для здароўя, бо пры ім павялічваецца рызыка шматлікіх захворванняў, між іншымі, цукровага дыябету, хвароб сардэчна-сасудзістых і звязаных з высокім ціскам. Брушное атлусценне распазнаецца, калі акружнасць таліі большая за 102 см у мужчын і за 88 у жанчын.

- ягадзічна-сцёгнавы тып (грушападобны) – сустракаецца часцей у жанчын, тлушчавая тканка збіраецца ў ваколіцах ягадзіц і сцёгнаў, гэты тып меш небяспечны для здароўя.

Для вызначэння размяшчэння тлушчовай тканкі, апрача вымярэння акружнасці таліі, выкарыстоўваецца і паказнік WHR.

Як дакладна вымераць акружнасць таліі і бёдраў?  Вымярэнні робім стоячы, апусціўшы рукі ўздоўж тулава. Таму тут неабходная дапамога іншага чалавека.

Вымярэнне акружнасці бёдраў: 
- жанчыны – мераем у месцы, дзе акружнасць бёдраў найбольшая, 
- мужчыны – мераем на ўзроўні верхняга канца бедраннай косці.

Вымярэнне акружнасці таліі:  
- жанчыны – мераем у палове адлегласці ад ніжняга краю грудной клеткі да верхняга канца бедраннай косці. 

- мужчыны – мераем на ўзроўні пупка.

Правільная лічба паказніка WHR і здароўе – як разумець? Лічба паказніка WHR паказвае на тып атлусцення. 
Правільная вартасць паказніка WHR павінна складаць: 
- для жанчын – ад 0,71 да 0,85 
- для мужчын – ад 0,78 да 0,94

Вышэйшыя лічбы  азначаюць атлусценне тыпу “яблык”, якое можа выклікаць такія хваробы, як цукровы дыябет, сардэчна-сасудзістыя захворванні, каранарную хваробу сэрца, атэрасклероз, павышаны артэрыяльны ціск. 
Ніжэйшыя лічбы азначаюць атлусценне тыпу “груша”, менш рызыкоўнае для здароўя.

Паказнік WHR як мера прывабнасці жанчын для мужчын і мужчын для жанчынНавукоўцы адкрылі, што вартасць паказніка WHR мае значны ўплыў на ацэнку прывабнасці жанчын для мужчын. Жанчыны, у якіх індэкс WHR складае 0,7 (або акружнасць таліі 70% ад акружнасці бёдраў), звычайна лічацца сярод мужчын больш прывабнымі. Прызнаныя красуні, сімвалы жаночай прыгажосці Мэрылін Манро, Сафі Ларэн і Венера Мілоская мелі паказнік WHR, набліжаны да 0,7, нягледзячы на тое, што яны былі рознага росту і вагі. Уплыў паказніка WHR на прывабнасць мужчын для жанчын пакуль не вызначаны.