Гародніна дня
Прадукт дня
Гароднінныя пацешкі
Здаровыя неапрацаваныя прадукты
Неапрацаванае харчаванне – гэта прадукты ў іх найбольш натуральным стане, мінімальна апрацаваныя. Без цэтлікаў і звычайна без упакоўкі.
Вартая ўвагі акцыя "Дзень, поўны гародніны", якая прыйшла з Францыі (Jour du Legume), дзе яна праводзіцца ў рамках Фонда Луі Бондзюэля (Louis Bonduelle). Яе мэтай з’яўляецца рост ужывання гародніны ў рэстаранах і адукацыйная праца са спажыўцамі.
- Поўнае зерне збожжавых – жыта, проса, пшаніца, ячмень, рысавая лебяда (кінва), карычневы рыс, а таксама прадукты з іх, напрыклад: шматкі, паўназярністы хлеб, кашы, цёмныя макароны.
- Гародніна і садавіна
- Бялкі – найперш стручковыя расліны (фасолі, сачавіцы), да таго арэхі, семкі, паўнатлустыя малочныя прадукты, морапрадукты, спарадычна мяса. Мяса і прадукты жывёльнага паходжання павінны паходзіць з экалагічнай гадоўлі.
- Тлушчы і алеі – нерафінаваныя, халоднага адціску, найлепш ільняны, канапляны, аліва, апрача таго, масла.
- Натуральныя прыправы, зёлкі, нерафінаваная каменная або марская соль.
Вартасці харчавання без дадаткаўСвежую, неапрацаваную гародніну і садавіну не заменіш ніякімі прэпаратамі. Гэта найлепшая крыніца вітамінаў, мінеральных соляў і клятчаткі. З-за такога складу і мінімальнай колькасці тлушчу (за выключэннем какоса і авакада) каларыйнасць неапрацаванай садавіны і гародніны ніжэйшая ў параўнанні з іншымі прадуктамі.
Сырая і малаапрацаваная ежа мае вялікую пажыўную вартасць. Трэба з’есці нашмат больш гатаваных страваў, чым сырых, каб даць арганізму столькі ж вітамінаў і мікраэлементаў. Гатаванне і высокая тэмпература нішчыць вітаміны (асабліва тыя, што раствараюцца ў вадзе), пашкоджваюць тлушчы і бялкі і нішчаць энзімы, якія аблягчаюць страваванне.
Натуральнае харчаванне аберагае, між іншым, ад рака і сардэчных хвароб. Харчовая клятчатка, якая ўтрымліваецца ў неапрацаваным харчаванні, адказвае за правільны абмен рэчываў, зніжае ўзровень цукру ў крыві, засцерагае ад захворванняў тоўстага кішэчніка.
Неапрацаваная ежа больш духмяная, чым гатаваная. Яе не трэба саліць, прыпраўляць ці падсалоджваць. Прыправы парушаюць працэс стрававання і абвастраюць апетыт.
Як правільна прыгатаваць стравы з неапрацаваных прадуктаў?
- Ты павінен купляць неапрацаваныя прадукты вельмі часта і правільна іх захоўваць. Варта таксама выдзеліць вольны час для прыгатавання ежы.
- Гатуй садавінныя і гароднінныя салаты з сезонных прадуктаў у самы пік іх свежасці. Рабі мяшанкі з сырых і гатаваных прадуктаў. Можаш дадаць фасолю, бульбу, вараныя яйкі і гародніну.
- Гатуй супы. Дадай да іх паўназярністае збожжа, напрыклад, ячмень, пшаніцу, карычневы рыс і каляровую гародніну, такую, як морква, салодкі перац, шпінак, буракі. Не перасмаж гародніны, бо тады яна траціць пажыўныя вартасці.
- Парэж гародніну і падсмаж яе з невялікай колькасцю мяса, яек ці тофу. Падай з рысам ці макаронамі.
- Прыпраўляй стравы соллю і свежамолатым перцам.
- Грылюй свежую рыбу і гародніну, дадаючы трохі алівы і свежых сезонных траваў або лімоннага соку.
- Рабі свой таматны соўс, сальсу, соўсы для салатак. Будзеш дакладна ведаць, з чаго складаецца твая ежа.
Дадаткі да ежы
Існуе больш за 2600 дадаткаў, якія прымяняюцца у апрацоўцы харчавання, і ўвесь час ствараюцца новыя. Гэтыя дадаткі прымяняюцца з мэтай стабілізацыі, падтрымання колеру, для ўзмацнення і паляпшэння смаку. Яны выпрацаваныя і прадукуюцца прамысловасцю дзеля працяглага тэрміну прыдатнасці і спрашчэння захоўваннях.
Цяпер апрацаваных прадуктаў харчавання больш, чым калі-небудзь. Кожны новы прадукт – гэта падстава для здаровага выбару. З добрай кулінарнай кнігай і пры жаданні мы можам лёгка паправіць сваё здароўе.
Рэцэпт дня
Топ 5 рэцэптаў
