Для здароўя – зёлкі ў кухні

Распаўсюджанае і прымяненне зёлак у кулінарыі. Яны надаюць стравам не толькі гаючыя ўласцівасці, але і непаўторны смак ды водар. Варта ведаць, да чаго пасуюць паасобныя прыправы і якое дзеянне яны аказваюць.

БазылікБазылік змякчае кашаль, узбуджае апетыт, лагодзіць страўнікавыя захворванні, прыспешвае страваванне, расслабляе, а таксама паляпшае працу нырак.
Яго можна дадаваць у салаты, блінцы, амлеты, мясныя і рыбныя стравы, морапрадукты, соўсы і супы. Асабліва цэніцца ў італьянскай кухні.

 

Ядловец

Ядловец стымулюе страўнік і печань, паляпшае працу нырак, мае мачагоннае ўздзеянне, лагодзіць боль у мышцах,  парушэнні стрававання, дэрматалагічныя і дыхальныя праблемы, а таксама дэпрэсіўныя станы.
Яго ўжываюць як прыправу да мясных страваў, часта да дзічыны, кладуць у квашаную капусту, раслінны воцат, марынады, рыбныя і мясныя кансервы, а таксама прымяняюць пры вырабе алкаголю (ядлаўцовыя гарэлкі).

Каляндра

Каляндра рэгулюе працэсы стрававання,  дапамагае пры напушванні і пры перавышэнні бактэрыйнай флоры ў сістэме стрававання.
Яе прымяняюць як прыправу да мяса, соўсаў, марынадаў, грыбных страваў, гарэлак, лікёраў, вінаў, марынаванай рыбы. У вялікай колькасці ўжываецца ў індыйскай і кітайскай кухнях.

 

Мяту ўжываюць пры захворваннях жоўцевага пухіра,  запаленні пухіра і жоўцепратокаў, а таксама пры каманях у жоўцевым пухіры і пры жаўтусе, пры напушванні, коліках, парушэннях стрававання і нервовых захворваннях – бяссонніцы, мігрэні, нервовых болях, спазмах і менструальных парушэннях. Мяту дадаюць да салатак, да кандытарскіх вырабаў, да напояў, гарэлак і лікёраў, ужываюць для духмянасці воцату, варанага мяса і сальцісонаў. Мятны соўс у Вялікай Брытаніі з’яўляецца традыцыйным дадаткам да многіх страваў.

АрэганаАрэгана прымяняецца супраць спазмаў, як дэзынфекцыя, як мачагонны, антысептычны і супрацьзапальны сродак. Дапамагае ў праблемах дыхальнай сістэмы, парушэнні стрававання і пры напушванні.
Гэта прыправа да салатаў, соўсаў, вяндліны, запечанага мяса, супоў, рыбы, камбінуецца з гароднінай, сырам і морапрадуктамі. Часта прымяняецца ў італьянскай, іспанскай і мексіканскай кухнях.

 

ШалфейШалфей мае супрацьзапальнае і абеззаражвальнае ўздзеянне, стымулюе ўтварэнне страўнікавага соку, рэгулюе перыстальтыку кішэчніка, яго ўжываюць пры болю жывата, коліках. Шалфей добры пры лячэнні запалення  дзяснаў, ротавай поласці, горла і скурных хваробаў.
Шалфей ужываюць як прыправу да бабовых, мясных страваў, гародніны, марынадаў, супоў і соўсаў, а таксама пры лікёрах.

Тым’янТым’ян (чабор) мае моцнае супрацьгрыбковае і супрацьбактэрыйнае ўздзеянне, а таксама дапамагае пры адкашліванні.
Яго дадаюць да мясных страваў, соўсаў, супоў, смажаніны, дзічыны, рыбы, прыпраўляюць ім вяндліну, сыр, салаты і стравы з бабовых раслін. Уласцівы для французскай кухні.